1.جاری پانی وہ ہے جو زمین سے پھوٹ کر زمین پر بہہ رہا ہو جیسے کہ چشمہ اور نہر کا پانی۔
2. جاری پانی اگرچہ کر سے تھوڑا ہی کیوں نہ ہو جب تک نجاست کے لگنے سے اس کابُو، رنگ اور ذائقہ تبدیل نہ ہو وہ پاک ہے۔
3.جب جاری پانی میں نجاست پڑجائے تو اس پانی کا صرف وہی حصّہ نجس ہوگا کہ جس کا رنگ، بو اور ذائقہ نجاست کی وجہ سے بدل گیا ہو اور وہ حصّہ جو چشمے سے متصل ہو اگرچہ کُر سے کم ہی کیوں نہ ہو پاک ہے اور نہر کا وہ پانی جو بمقدار کُر ہو یا اس پانی کے ذریعہ سے جو کہ متغیر نہیں ہوا چشمہ کے پانی کے ساتھ متصل ہو پاک ہوگا ورنہ نجس۔
4. وہ چشمہ جس کا پانی جاری نہیں لیکن اس طرح ہے کہ اگر اس سے پانی نکال لیا جائے تو اندر سے پانی نکل تا ہے تو وہ جاری پانی والا حکم رکھتا ہے یعنی اگر اس میں نجاست پڑجائے تو جب تک اس کا رنگ بُو اور ذائقہ نجاست کی وجہ سے متغیّر نہ ہو وہ پاک ہوگا۔
5. وہ پانی جو کنارے پر کھڑا ہے اور نہر کے جاری پانی سے متصل ہے جاری پانی کا حکم رکھتا ہے۔
6. وہ چشمہ جو سردی میں پھوٹتا اور گرمی میں خشک ہوجاتا ہے جب تک اس سے پانی پھوٹ رہا ہے وہ جاری کا حکم رکھتا ہے۔
7. حمام کے حوض کا پانی اگرچہ کُر سے کم ہو مثل ب جاری ہے لیکن بنابر احتیاط واجب اس کا اس خزانے کے ساتھ جو کُر کے برابر ہو یا اس حوض کے ساتھ جو کُر ہے، متصل ہونا لازم ہے۔ اس کا حکم جاری ہے۔
8. حمام کے نلوں کا وہ پانی جو ٹونٹیوں اور فواروں سے گرتا ہے اگر کُر کے ساتھ متصل ہو تو جاری پانی کا حکم رکھے گا۔ اسی طرح گھروں کے نل اگر کُر سے متصل ہوں تو کُر والا حکم رکھتے ہیں۔
9.وہ پانی جو زمین پر بہہ رہا ہے لیکن زمین سے نہیں پھوٹ رہا جب کُر سے کم ہو اور اس میں نجاست پڑ جائے تو نجس ہوگا اور اگر اوپر سے نیچے کی طرف زور سے پڑے اور نچلے حصّے سے نجاست لگے تو اُوپر والا حصہ نجس نہیں ہوگا۔