مستحب ہے کہ پیشاب و پاخانہ کے لئے انسان ایسی جگہ بیٹھے جہاں اسے کوئی دیکھنے والا نہ ہو اور بیت الخلاء میں داخل ہوتے وقت پہلے بایاں پاں اور نکلتے وقت پہلے دایاں پاں رکھے۔ اسی طرح مستحب ہے کہ بول و براز کرتے وقت انسان کا سر ڈھکا ہو اور بدن کا بوجھ بائیں پاں پر ڈالا جائے

بول براز کرتے وقت سورج یا چاند کی طرف منہ کر کے بیٹھنا مکروہ ہے۔ ہاں اگر کسی طرح اپنی شرم گاہ کو چھپالے تو پھر مکروہ نہیں ہے اور بول براز کرتے وقت تیز ہوا کی طرف رخ کر کے شاہراہوں، سڑکوں، گلی کوچوں، ڈیوڑھیوں اور میوہ دار درختوں کے نیچے بیٹھنا اور کچھ کھانا، زیادہ دیر بیٹھے رہنا اور دائیں ہاتھ سے استنجائ کرنا مکروہ ہے۔ اسی طرح پیشاب پاخانہ کرتے وقت باتیں کرنا بھی مکروہ ہے۔ ہاں اگر بات کرنے پر مجبور ہو یا ذکر الہی کررہا ہو تو کوئی اشکال نہیں۔

کھڑے ہو کر سخت زمین، جانوروں کے بلوں میں اور پانی کے اندر پیشاب کرنا خصوصاً کھڑے ہوئے پانی میں مکروہ ہے۔

پیشاب و پاخانہ کو روکے رکھنا مکروہ ہے اور اگر مضر ہو تو پھر نہیں روکنا چاہیئے

مستحب ہے کہ انسان نماز سے پہلے، سونے سے پہلے، جماع سے پہلے اور منی خارج ہونے کے بعد پیشاب کرے۔