|
1
نماز ظہر کے نوافل نماز ظہر سے پہلے پڑھے جاتے ہیں اور ان کا وقت ظہر کے اول وقت سے لے کر اس وقت تک ہے کہ شاخص کا سایہ جو (اول) ظہر کے بعد پیدا ہوتا ہے شاخص کے ٧٢ کے برابر ہوجائے اگر شاخص مثلاً سات بالشت ہے تو جس وقت وہ سایہ جو (اول) ظہر کے بعد پیدا ہوتا ہے دو بالشت کے برابر ہوجائے تو وہ نافلہ کا آخری وقت ہوگا۔
|
|
2
عصر کے نوافل، نماز عصر سے پہلے پڑھے جاتے ہیں اور ان کا وقت اس وقت تک ہے کہ شاخص کے سایہ کی وہ مقدار جو (اول) ظہر کے بعد پیدا ہوتی ہے ٧٤ کے برابر ہوجائے اگر کوئی شخص نافلہ ظہر یا عصر کو ان کے وقت کے بعد پڑھنا چاہے تو بہتر یہ ہے کہ نافلہ ظہر کو نماز ظہر کے بعد پڑھے اور احتیاط واجب یہ ہے کہ ادا یا قضا کی نیت نہ کرے۔
|
|
3
نافلہ مغرب کا وقت نماز مغرب کے تمام ہوجانے کے بعد سے لے کر اس وقت تک ہے کہ وہ سرخی جو مغرب کی طرف سورج کے غروب ہوجانے کے بعد شروع ہوتی ہے زائل ہوجائے۔
|
|
4
عشاء کے نافلہ کا وقت نماز عشاء کے تمام ہوجانے سے آدھی رات تک ہے اور بہتر یہ ہے کہ نماز کے بعد بلافصل پڑھے جائیں۔
|
|
5
صبح کے نوافل نماز صبح سے پہلے پڑھے جاتے ہیں اور ان کا وقت آدھی رات کے بعد گیارہ رکعت نماز تہجد پڑھنے کی مقدار کے بعد سے ہے البتہ احتیاط یہ ہے کہ فجر اول (صبح کاذب) سے پہلے نہ پڑھیں مگر یہ کہ نماز تہجد کے فورا بعد پڑھیں تو کوئی حرج نہیں۔
|
|
6
نوافل تہجد کا وقت آدھی رات سے لے کر اذان صبح تک ہے اور بہتر یہ ہے کہ اذان صبح کے نزدیک پڑھی جائیں۔
|
|
7
مسافر اور وہ شخص کہ جس کے لئے نماز تہجد کا آدھی رات کے بعد پڑھنا مشکل ہو تو وہ ابتداء رات میں انہیں پڑھ سکتا ہے۔
|
