امام علي عليہ السلام کي عظمت

امام علي عليہ السلام کا مقام بہت ہي اعلي ہے اور جتنے اقوال مبارک حضرت علي عليہ السّلام کے بارے ميں احاديث نبوي ميں موجود ہيں، کسي اور صحابي رسول کے بارے ميں نہيں ملتے- حضور صلي اللہ عليہ و آلہ و سلم فرماتے ہيں -- سبحان اللہ .. چند احاديث مبارک کي روشني ميں مولائے کائينات و متقيان حضرت علي عليہ السلام کي شان مبارک ديکھئے …

1-علي مجھ سے ہيں اور ميں علي سے ہوں

2. ميں علم کا شہر ہوں اور علي اس کا دروازہ ہے

3.تم سب ميں بہترين فيصلہ کرنے والا علي ہے

4. علي کو مجھ سے وہ نسبت ہے جو ہارون کو موسيٰ عليہ السّلام سے تھي

5.علي مجھ سے وہ تعلق رکھتے ہيں جو روح کو جسم سے يا سر کو بدن سے ہوتا ہے-

6.علي خدا اور رسول کے سب سے زيادہ محبوب ہيں

7. مباہلہ کے واقعہ ميں حضرت علي کرم اللہ وجہہ کو نفسِ رسول کا خطاب ملا.

8.عملي اعزاز يہ تھا کہ مسجد ميں سب کے لئے دروازے بند ہوئے تو علي کرم اللہ وجہہ کے لئے دروازہ کھلا رکھا گيا.

9.جب مہاجرين و انصار ميں بھائي چارہ کيا گيا تو حضرت علي عليہ السلام کو پيغمبر نے اپنا دنيا واخرت ميں بھائي قرار ديا

10.غدير خم کے ميدان ميں ہزاروں مسلمانوں کے مجمع ميں حضرت علي کو اپنے ہاتھوں پر بلند کر کے يہ اعلان فرما ديا کہ جس کا ميں مولا (مددگار، سرپرست) ہوں اس کا علي بھي مولا ہيں-

عَنْ اِبْنِ عباس، عَنِ النَّبِي قٰالَ لِاُمِّ سَلَمَۃ:يَااُمِّ سَلَمَۃَ اِنَّ عَلِيًّا لَحْمُہُ مِنْ لَحْمِيْ وَدَمُہُ مِنْ دَمِيْ وَھُوَ بِمَنْزِلَةِ ھَارُوْنَ مِنْ مُوْسٰي اِلَّا اَنَّہُ لَا نَبِيَّ بَعْدِي-

حديث ِمنزلت ِامام علي عليہ السلام ايک نہايت ہي اہم اور معتبر ترين حديث ِ پيغمبر اسلام ہے جو حضرت علي عليہ السلام کي شان ،مقامِ عالي اور منزلت کا پتہ ديتي ہے- البتہ يہ حديث کئي اور ذرائع اور مختلف طريقوں سے بھي بيان کي جاتي ہے- مندرجہ بالا حديث ميں رسولِ خدا صلي اللہ عليہ وآلہ وسلم جنابِ اُمِ سلمہ سے مخاطب ہيں- ليکن ابوہريرہ سے يہ روايت(اس روايت کو ابن عساکر نے ترجمہ تاريخ دمشق ،جلد1،حديث412ميں اس طرح نقل کيا ہے)اس طرح سے منقول ہے:

اِنَّ النَّبي قٰالَ بِعَلِيٍّ عَلَيْہِ السَّلَام: يَاعَلِيُّ اَنْتَ بِمَنْزِلَۃِ ھَارُوْنَ مِنْ مُوْسٰي اِلَّا النَّبُوَّةَ-

”‌پيغمبر اسلام نے حضرت علي عليہ السلام سے ارشاد فرمايا:’يا علي ! آپ کي نسبت مجھ سے ايسي ہے جيسي ہارون کي موسيٰ عليہ السلام سے تھي، سوائے نبوت کے“-

ترجمہ

”‌ابن عباس سے روايت کي گئي ہے کہ رسولِ خدا صلي اللہ عليہ وآلہ وسلم نے جنابِ اُمِ سلمہ سے فرمايا :’اے اُمِ سلمہ! بے شک علي کا گوشت ميرا گوشت ہے، علي کا خون ميرا خون ہے اور اُس کي نسبت محمد سے ايسي ہے جيسي ہارون کي موسيٰ سے تھي سوائے اس کے کہ ميرے بعد کوئي نبي نہيں آئيگا“-

حوالہ جاتِ روايت اہلِ سنت کي کتب سے

1- ابن عساکر، تاريخ دمشق،شرح حالِ امام علي ، جلد1،حديث406،336سے لے کر

456تک-

2- احمد بن حنبل، مسند سعد بن ابي وقاص ، جلد1،صفحہ177،189اورنيز الفضائل ميں،

حديث79،80-

3- ابن ماجہ قزويني اپني کتاب ميں، جلد1،صفحہ42،حديث 115-

4- بخاري،صحيح بخاري ميں،جلد5،صفحہ81،حديث225(فضائلِ اصحاب النبي )-

5- ابي عمريوسف بن عبداللہ، استيعاب ،ج3،ص1097اورروايت1855کے ضمن ميں

6- ابونعيم، کتاب حلية الاولياء ، جلد7،صفحہ194-

7- بلاذري، کتاب انصاب الاشراف، ج2،ص95،حديث15،اشاعت اوّل بيروت

8- شيخ سليمان قندوزي حنفي، کتاب ينابيع المودة، باب6،صفحہ56،153-

9- ابن مغازلي،کتاب مناقب ميں،حديث40،50،صفحہ33-