ايراني تاريخ کي ايک عظيم ادبي خاتون

پروين اعتصامي   کي زندگي پر ايک مختصر نظر

پروين کا گھرانہ ايک ادبي گھرانہ تھا اس ليۓ بچپن سے ہي انہيں مطالعہ کرنے کي عادت  پڑ گئي تھي -  ان کے گھر ميں ادبي گفتگو  ہوتي تھي اور اس ليۓ بچپن سے ہي انہوں آساني سے علم  منتقل ہونا شروع  ہو گيا  اور گھر ميں بڑے افراد کي گفتگو سے انہيں بہت کچھ سيکھنے کو ملتا -   گيارہ سال کي عمر ميں ہي  وہ ايران کے معروف تاريخي شعراء مثلا فردوسي ، نظامي ، مولوي ، ناصرخسرو ، منوچهري ، انوري اور  فرخي کے  شعري مجموعوں سے آشنا تھي  اور شعرو شاعري کے سلسلے ميں وہ اپنے والد کے ساتھ مشق بھي کيا کرتي تھيں -

انہوں نے کم عمري ميں ہي شعري اساليب پر مہارت حاصل کر لي تھي -  " اے مرغک " نظم انہوں نے بارہ سال کي عمر ميں کہي - اس نظم کے اشعار پڑھ کر ان کي مہارت کا بخوبي اندازہ لگايا جا سکتا ہے کہ بارہ سال کي کم عمر  بچي کس طرح اتني اچھي نظم لکھ سکتي ہے -

اي مُرغک خُرد ، ز آشيانه

پرواز کن و پريدن آموز

تا کي حرکات کودکانه؟

در باغ و چمن چميدن آموز

رام تو نمي شود زمانه

رام از چه شدي ؟ رميدن آموز

منديش که دام هست يا نه

بر مردم چشم ، ديدن آموز

شو روز به فکر آب و دانه

هنگام شب آرميدن آموز

ان کي شاعري ميں ايک عجيب جادو تھا  اور بعض لوگوں کو  ان کي شاعري پڑھ کر يقين ہي نہيں ہوتا تھا کہ يہ شاعري ان کي اپني ہے -  اگر ايراني ادبي تاريخ پر نظر ڈالي جاۓ تو  يہ بات سامنے آتي ہے کہ پروين اعتصامي  ايراني خاتون شعراء ميں  سب سے اعلي مرتبے پر فائز ہيں -  وہ بلند اخلاق کي مالک  خاتون تھيں -  ان کي ايک دوست جو سالہا سال ان سے رابطے ميں رہي ان کے بارے ميں کہتي ہيں کہ

"  پروين ايک پاک نفس، پاک عقيدہ ، پاکدامن ، خوش  اخلاق، خوش گفتگو  اور اپنے دوستوں کے ساتھ بہت ہي مہربان تھيں - ان کے روابط اپنے دوستوں کے ساتھ بہت ہي اچھے  ہوا کرتے تھے - وہ کم گو تھيں اور زيادہ سوچ بچار کيا کرتي تھيں - ان کي معاشرتي زندگي بہت سادہ تھي اور کبھي بھي اپنے ادبي اور اخلاقي فضائل کي تعريف نہيں  کرتي تھي - ان کي شخصيت  ميں پائي جانے والي ان صفات کي بدولت وہ  دوسروں کے نزديک بہت ہي عزيز  اور ارجمند تھيں -

تحرير : سيد اسداللہ ارسلان