رہبر معظم انقلاب اسلامی حضرت آیۃ اللہ العظمی خامنہ ای (دامت برکاتہ)

آیة اللہ العظمی سیدعلی حسینی خامنہ ای پانچ سال کی عمرمیں اپنے بڑے بھائی آقا سید محمد کے ساتھ ایک مکتب میں جانے لگے اور کچھ وقت کے بعد «دارالتعلیم دینیات» نامی مدرسے میں داخلہ لیا. انہوں نے چھٹی کلاس کا امتحان دینے کے بعد انٹر کالج میں ایڈمیشن لیا اور وہاں سے انٹر پاس کیا۔

سن ۱۳۳۶ ہجری شمسی میں انہوں نے نجف کا سفر کیا اور وہاں تھوڑے عرصہ رک کر آقای حکیم، آقای خوئی اور آقای شاہرودی کے درس خارج میں شرکت کی۔

ایران واپس آنے کے بعد انہوں نے آیة اللہ العظمی بروجردی اور حاج آقا حائری کے درس خارج میں شرکت کرنے کے ساتھ ساتھ امام خمینی کے فقہ و اصول کے درس سے بھی پوری طرح استفادہ کیا۔

اسلامی انقلاب کی کامیابی کے بعد وہ کئی بڑے عہدوں پر منتخب ہوئے جیسے وہ تہران سے پارلیمینٹ کے نمائندے ،شورای انقلاب کے نمائندے، وزارت دفاع میں شورای انقلاب کے نمائندہ، نائب وزیر دفاع اور تہران کے امام جمعہ رہے۔ وہ دو بار ایران کے صدر بھی چنے گئے۔

آیةاللہ العظمی خامنہ ای ایک فقہی ہونے کے ساتھ ساتھ علم رجال، تاریخ اور ادبیات کے بھی بہت بڑے عالم ہیں۔ اسلامی انقلاب کے رہبر جیسے عظیم عہدے پر رہتے ہوئے بھی آپ فقہ کا درس کہتے ہیں اور آپ نے بہت سی کتابیں بھی لکھی ہیں۔

متعلقہ تحریریں:

شہید ڈاکٹر مصطفی چمران

شہید مظلوم حضرت آیت اللہ بہشتی  کی شهادت پر تحریر