ہندوستان کے شہر بنگلور میں مسافر طیارے کے حادثے میں 160 افراد ہلاک

مہر خبررساں ایجنسی نے ایسو سی ایٹڈ پریس کے حوالے سے نقل کیا ہے کہ ہندوستان کی ریاست کرناٹک کے دارالحکومت بنگلور کے ایئر پورٹ پر ہندوستانی مسافر طیارے کے حادثے میں160 افراد ہلاک ہوگئے ہیں۔ کرناٹک کےوزیراعلیٰ کے مطابق ہندوستانی مسافر طیارے کو بنگلور ایئر پورٹ پر لینڈنگ کے دوران حادثہ پیش آیا جس کے نتیجے میں160 افراد ہلا ک ہوگئے ہیں۔طیارے میں169 افراد سوار تھے۔ہندوستانی ٹی وی کے مطابق طیارہ دبئی سے بنگلور ایئر پورٹ پر اترتے ہوئے پائلٹ طیارے پر کنٹرول کھو بیٹھا اور طیارہ رن سے منحرف ہوکر گہری کھائی میں جا گر ا ہے۔حادثے کے بعد امدادی کارروائیاں شروع کردی گئیں ہیں۔جائے حادثہ پر فائر بریگیڈ کے ذریعے آگ بجھانے کی کوششیں کی جارہی ہیں اور لاشوں کو نکالا جارہا ہے۔