سعودي عرب ميں عوامي مظاہرے
سعودي عرب کے دارالحکومت رياض ميں ہزاروں افراد نے احتجاجي مظاہرے کرکے ابھا ميں جاري طلباء کي تحريک کي حمايت کا اعلان کيا ہے- يہ مظاہرے جمعرات کو ہوئے- آل سعود نے شہر رياض ميں شديد حفاظتي انتظامات کئے تھے-
ابنا: مظاہرين نے ابھا ميں جاري طلباء کي تحريک کے ساتھ اظہار يکجہتي کيا- ياد رہے سعودي سکيورٹي کارندوں نے سات مارچ کو ابھاء يونيورسٹي ميں طالبات کےمظاہروں پر حملے کرکے طالبات کو بري طرح زد و کوب کيا تھا يہانتک کہ سعودي کارندوں کي جارحيت ميں ايک طالبہ شہيد اور پچاس زخمي ہوئي تھيں- آل سعود کے ايجنٹوں کے حملوں کے بعد يونيورسٹي کے تيس سے زائد پروفيسروں نے طلباء پر تشدد کے خلاف احتجاج کرتےہوئے استعفي ديديا تھا- ياد رہے مشرقي علاقوں کے ساتھ ساتھ اب سعودي عرب کے ديگر علاقوں ميں بھي عوام سڑکوں پر نکل آئے ہيں اور اپنے حقوق کي مانگ کررہے ہيں- قابل ذکرہے مشرقي علاقوں ميں عوام نے اپنے حقوق کي ادائيگي، متعصبانہ پاليسيوں کے خاتمے اور برسوں سے قيد ہزاروں افراد کي رہائي کے لئے تحريک چلائي ہے - سعودي کال کوٹھريوں ميں ہزاروں افراد قيد ہيں جنہيں بغير کسي مقدمے کے برسوں سے قيد ميں رکھا گيا ہے-
