اسلامي جمہوريہ ايران پر امريکي اقتصادي پابنديوں کے  مثبت آثار کي طرف ايک اور قدم

 ايران ميں  عامل خون  ( فيکٹر 7 ) کي تياري کے ليۓ کارخانے کا افتتاح ہو گيا -

  اسلامي جمہوريہ ايران کے صدر جناب محمود احمدي نژاد نے جديد ترين بائيوٹيکنالوجي  ادويات اور   ھيموفيليا کے مرض ميں مبتلا مريضوں  کے ليۓ عامل خون فيکٹر 7  کي تياري کي  غرض سے  دنيا کے دوسرے کارخانے کا  افتتاح کيا ہے -   وہ آج صبح  " آريون زيست " نامي کمپني ميں تشريف لاۓ اور ايک جديد ترين  خط پر استوار نئي نسل کي بائيو ٹيکنالوجي  ادويات کي تياري کي غرض سے  کارخانے کا رسمي طور پر  افتتاح کيا -

" آريون زيست " کمپني نے دو سال قبل نئي ترکيب کي ادويات بالخصوص  مونوکلائيڈ  اينٹي باڈي   کي تياري کے ليۓ بائيوٹيکنالوجي کے کچھ  ماہر سائنسدانوں کي مدد سے اپنے کام کا آغاز کيا اور ہر طرح کي اقتصادي پابنديوں کے باوجود  دو سال کي مسلسل محنت کے بعد بين الاقوامي معيار کے عين مطابق کاميابي حاصل کي  ہے -

يہ کمپني 22  ہزار مربع ميٹر کے رقبہ  ميں  تقريبا 17 ہزار   مربع ميٹر کے عمارتي احاطے ميں واقع ہے جہاں 4 ہزار مربع ميٹر کا علاقہ  ادويات کي تياري کے ليۓ مخصوص ہے  جسے مزيد 5 حصوں ميں تقسيم کيا گيا ہے -

1- بائيو ري ايکٹر ٹيکنالوجي سے خليے  تيار کرنے والا حصہ

2- رولر  ٹيکنالوجي سے  خليے تيار کرنے والا حصہ

3-  سالانہ  36 ميلين وائلوں  اور 33 ميلين  پہلے سے بھري سرنجوں  کي تياري اور بستہ بندي والا حصہ

4-  مصنوعات  کي کيفيت معلوم کرنے کے ليۓ دور حاضر کے جديد ترين  تجزياتي آلات والا حصہ

5-  بخش تحقيق و وسعت جس ميں  بہت سے مختلف انواع  کے بائيو ري ايکٹو  اور پروٹين کي صفائي اور تجزيے کے ليۓ آلات شامل ہيں  -  اس کمپني نے  خليوں کي تياري کا سيسٹم  ملکي ضروريات   اور علاقائي بازار تک رسائي کو مدنظر رکھ کر ترتيب ديا ہے - اس  کمپني کي توليدات کي بدولت ادويات کي درآمدات ميں کمي واقع ہوئي ہے جس سے 120 ميلين ڈالر کي بچت ہوئي ہے  اور توقع کي جا رہي ہے کہ   پانچ سالہ پروگرام ميں  ان ادويات کي  برآمدات سے سالانہ 70 ميلين ڈالر کي آمدني ہو گي -

 وسعت اور سرمايہ گزاري کے لحاظ سے يہ دنيا ميں اس نوعيت کا نواں کارخانہ ہے  اور  ھيمو فيليا کے مريضوں کے ليۓ عامل خون  فيکٹور 7  کي تياري کي غرض سے ڈنمارک ميں واقع ايک کارخانے کے بعد يہ دنيا  ميں اس قسم کا دوسرا کارخانہ ہے  جس ميں اس وقت 60 اعلي تربيت يافتہ ماہرين اور 500 دوسرے افراد کام  کر رہے ہيں -

صدر مملکت نے فيکٹري کے مختلف حصوں کا دورہ کيا جہاں انہيں  تکميلي مراحل کے بارے ميں آگاہ کيا گيا -

منبع : فارس نيوز

پيشکش : شعبۂ تحرير و پيشکش تبيان