سيد احمد خاتمي: قران کريم کي بے حرمتي کي مذمت

ابنا: تہران ميں مرکزي نماز جمعہ آيت اللہ سيد احمد خاتمي کي امامت ميں ادا کي گئي- آيت اللہ سيد احمد خاتمي نے اپنے خطبوں ميں افغانستان ميں قرآن کريم کي بے حرمتي کي شديد الفاظ ميں مذمت کي -

انہوں  افغانستان ميں امريکا کي شيطاني سازشوں کي جانب سے  ہوشيار  رہنے کي ضرورت پر زور ديتے ہوئے کہا کہ  امريکي فوجيوں نے عمدا افغان عوام اور مسلمين عالم کے جذبات کو مجروح کرنے کے لئے قرآن کريم کي بے حرمتي کي ہے- انہوں نے قران کريم کي بے حرمتي کے خلاف افغان عوام کے احتجاجي مظاہروں کي قدرداني کرتے ہوئے اس واقعے پر بعض عرب حکومتوں بالخصوص سعودي حکومت کي خاموشي کي بھي  مذمت کي -

تہران کي مرکزي نماز جمعہ کے خطيب نے کہا کہ کتنے افسوس کي بات ہے کہ خود کو خادم الحرمين کہلانے والے سعودي حکام قرآن کريم کي بے حرمتي پر خاموشي اختيار کرتے ہيں - انہوں نے کہا کہ اسلامي مقدسات اور قرآن کريم کي بے حرمتي اور مسلمانوں کے قتل عام پر خاموش رہنے والے يہ حکام نہ صرف يہ کہ اسلام اور مسلمانوں کے محافظ نہيں ہيں بلکہ اسلام کے خلاف دشمنوں کي سازشوں اور ان کے جرائم ميں برابر کے شريک ہيں-    تہران کي مرکزي نماز جمعہ کے خطيب نے قران کريم کي بے حرمتي پر امريکي حکام سے معافي کا مطالبہ کيا-

    آيت اللہ سيد احمد خاتمي نے اسي طرح چند يورپي ملکوں کو تيل کي سپلائي بند کرنے کے حکومت ايران کے اقدام کي قدرداني کي - انہوں  عالمي  منڈيوں ميں تيل کي قيمت بڑھنے کي طرف اشارہ کرتے ہوئے يورپي حکومتوں کي نصيحت کي کہ امريکا کي توسيع پسندانہ پاليسيوں کي اندھي تقليد کے بجائے اپنے مسائل اور مشکلات کے حل پر توجہ ديں-

 تہران کي مرکزي نماز جمعہ کے خطيب نے اپنے خطبوں ميں ايران کے نويں پارليماني انتخابات کي طرف اشارہ کرتے ہوئے کہا کہ دشمن ايراني عوام سے يہ اپيل کررہے ہيں کہ وہ پارليماني انتخابات ميں ووٹ دينے کے لئے پولنگ اسٹيشنوں پر نہ جائيں ليکن ہم يہاں کہتے ہيں کہ ايران کے عوام ايک بار پھر پولنگ اسٹيشنوں پر بھاري تعداد ميں پہنچيں گے اور ہر بار سے زيادہ وسيع پيمانے پر انتخابات ميں شرکت کرکے اسلامي نظام کے دشمنوں کو مايوس کرديں گے-