لياري:آج بھي گوليوں کي گونج، دستي بموں کے حملے، دو افراد ہلاک

کراچي کے علاقے لياري ميں جرائم پيشہ افراد کے خلاف پوليس کا آپريشن دوسرے روز بھي جاري ہے اس دوران علاقے ميں شديد فائرنگ، دستي بموں اور راکٹوں کے حملوں ميں مزيد دو افراد ہلاک ، پوليس اہلکاروں سميت 8 افراد زخمي ہوگئے.

ابنا: آپريشن کي نگراني کرنے والے ايس ايس پي سي آئي ڈي چوہدري اسلم کے مطابق آج دوسرے روز بھي پوليس اور ايف سي کو کارروائي کے دوران شديد مزاحمت کا سامنا ہے، ملزمان نے متعدد آر پي جي سيون راکٹ فائر کيے ہيں جبکہ دھماکا خيزمواد اور دستي بموں کے حملے بھي کيے جارہے ہيں اور شديد فائرنگ کي آوازيں بھي مسلسل آرہي ہيں.

لياري ميں کاروبار بند ہے. ايس ايس پي سي آئي ڈي اسلم چوہدري کے مطابق اطلاعات ہيں کہ فائرنگ کے تبادلے ميں پوليس کو مطلوب ملا نثار کا بھائي سہيل بھي کارروائي کے دوران ہلاک ہوا ہے تاہم ايسي کوئي لاش سول يا اور کسي اسپتال ميں نہيں لائي گئي.

سول اسپتال کے ايم ايل او ڈاکٹر نثار علي شاہ کے مطابق آج صبح سے اب تک دو افراد لقمان ولد عبدالمجيد اور عبدالواحد کي لاشيں جبکہ پوليس اہلکارضمير حسين زرداري اور عامر حسين کے علاوہ اعجاز بلوچ، امجد حسين، سہيل، ثناء سميت 8زخمي افراد اسپتال لائے گئے.

لياري گزشتہ روز بھي ميدان جنگ بنا رہا تھا، اس دوران فائرنگ اور دہشت گردي ميں 9افراد ہلاک ہوئے تھے.