امام راحل کي 24 ويں برسي

اردو ريڈيو تھران  کي ويب سائٹ پر شائع ہونے والي ايک خبر کے مطابق حضرت امام خميني رح کي چوبيسويں برسي کے موقع پر سيکورٹي انتظامات کو پورا کرنے کي غرض سے تھران ميں 30 ہزار پوليس اہلکار تعينات کر ديۓ گۓ ہيں -

اسلامي جمہوريہ ايران کے پوليس چيف نے کہا ہےکہ باني انقلاب اسلامي حضرت امام خميني قدس سرہ کي چوبيسويں برسي کے پروگراموں کے موقع پر تہران ميں تيس ہزار پوليس اھلکار تعينات رہيں گے- مھر نيوز کے مطابق جنرل اسماعيل احمدي مقدم نےآج تہران ميں صحافيوں سے گفتگو ميں کہا کہ اس سال امام خميني رح کي برسي کے پروگراموں کے موقع پر تيس ہزار پوليس اھلکار تعينات رہيں گے جو ٹريفک کنٹرول اور سکيوريٹي فراہم کرنے کي ذمہ دارياں انجام ديں گے- انہوں نے کہاکہ اس موقع پر چھے ہزار چھے سو موبائيل يونٹ بھي سرگرم رہيں گے اور ہيلي کاپٹروں سے بھي نظر رکھي جائے گي- جنرل احمدي مقدم نے کہا کہ امام خميني کي برسي کےموقع پر بيس لاکھ سے زائد زائر ايران اور مختلف ملکوں سے آئيں گے اور تيس ہزار بسوں کو زائرين کي سہولت کے لئے پرمٹ دئے گئے ہيں- واضح رہے اسلامي جمہوريہ ايران ميں چار جون کو باني انقلاب اسلامي حضرت امام خميني قدس سرہ کي چوبيسويں برسي منائي جائے گي-     

اسلامي جمہوريہ ايران کے وزير خارجہ علي اکبر صالحي نے کہا کہ بلاشک و شبہ آج کي اسلامي اور عوامي تحريکيں حضرت امام خميني کے نام سے جڑي ہوئي ہيں اور حضرت امام خميني کے افکار و نظريات ہي تحريکوں کا حقيقي معيار اور انہيں پرکھنے کي کسوٹي ہيں- وزير خارجہ علي اکبرصالحي نے آج تہران ميں امام خميني اور خارجہ پاليسي عالمي کانفرنس سے خطاب ميں کہا کہ حضرت امام خميني قدس سرہ کي نظر ميں اسلامي نظام کے لئے ضروري ہے کہ اسلامي معاشرے ميں فکري تحريک اور تہذيب نفس و آداب و اخلاق کي تبديلي پر مبني تحريک چلائي جائے اور جب تک معاشرے کي فرد فرد ميں مثبت تبديلياں نہيں آئيں گي اسلامي تحريک کي بنياديں مستحکم نہيں ہونگي- علي اکبر صالحي نے کہا کہ عالم اسلام کے تدريجا حقيقي اسلام سے دور ہونے کي وجہ سے مکتب اسلام ترقي سے بيگانہ ہوکر پسماندگي کي طرف بڑھتا گيا اور اس کے گرانقدر تعليمات تحريف کا شکار ہوتي گئيں يا انہيں طاق نسياں کے سپرد کيا جاتا رہا- انہوں نے کہا کہ امام خميني نے مکتب اسلام کو ان بيماريوں سے نجات دلانے کا نسخہ پيش کيا اور اس کے لئے عقائد پر عمل پيرا ہوتے ہوئےانساني اعمال و اخلاق ميں تبديلي اور حقيقي اسلام کي طرف بازگشت پر تاکيد فرمائي- آپ نے يہ بھي تاکيد فرمائي کہ ان امور پر گہرا ايمان احکام الھي کے نفاذ کے لئے ضروري ہے- اسلامي جمہوريہ ايران کے وزير خارجہ نے امام خميني اور خارجہ پاليسي کانفرنس سے خطاب ميں کہا کہ ايران کي ملت مسلمان کے قيام سے انقلاب کي کاميابي سے پہلے بڑي طاقتيں بھرپور طرح سے ديني مفاہم کو تحريف کررہي تھيں ليکن حضرت امام خميني نےتاکيد فرمائي کہ  اسلامي اور عوامي تحريک کے اھداف الھي اور ديني اقدار کو زندہ کرنا ہے- انہوں کہا کہ حضرت امام خميني نے اسلامي بيداري کے خلاف سامراج کي تمام سازشوں کو ناکام بناديا اور گذشتہ جونتيس برسوں ميں اسلامي انقلاب کے خلاف سامراج کي تمام کوششيں بے ثمر رہي ہيں- واضح رہے امام خميني اور خارجہ پاليسي عالمي کانفرنس آج سے تہران ميں شروع ہوئي - اس کانفرنس کا عنوان اسلامي عوامي تحريکيں اور امام خميني کي نظر ميں تبديلياں ہے-

متعلقہ تحریریں:

امام خميني رح اميد کي ايک کرن

اسلامي انقلاب کے متعلق امام خميني رح کے نڈر فيصلے