بڑے مسائل کے آسان اور چھوٹے حل
٭ لوہے کے برتن یا مشین کو زنگ سے بچانے کے لئے اسے استعمال کے بعد اچھی طرح دھو کر سرسوں کا تیل مل دیں۔ دوبارہ استعمال سے پہلے دھو لیں۔
٭لہسن کے چھلکے اتارنے کے لئے اسے ایک رات پہلے پانی میں بھگو دیں۔ صبح لوہے کی چھلنی میں ڈال کر ہاتھ سے ملیں۔ چھلکے جلدی اتر جائیں گے۔
٭ برسات میں پھل کھانے کے فوراً بعد پانی پینے سے گلے میں خراش ہوتی ہے۔
٭ بچوں کے منہ میں چھالے بن جائیں تو سہاگہ بھون کر اس میں گلیسرین ملائیں اور روئی کے ساتھ چھالوں پر لگائیں۔
٭ بچی ہوئی روٹی کے ٹکڑے سکھا کر کوٹ لیں۔ تھوڑا سا گھی کڑاہی میں ڈالیں اور ٹکڑے اس میں بھون لیں۔ پھر تین الائچی چھوٹی اور تین لونگ ڈال کر سرخ کر لیں۔ اس میں ایک کپ چینی اور تھوڑا سا پانی ڈال کر پکائیں۔ پانی خشک ہونے پر آنچ بند کر دیں اور کیوڑہ ڈال دیں۔ بچی ہوئی روٹی سے میٹھا بن جائے گا۔
٭ٹانسلز بڑھ جائیں یا گلا درد کرتا ہو تو چائے کی پتی پانی میں ابال کر غرارے کرنے یا نیم گرم پانی میں پھٹکری اور نمک ملا کر غرارے کرنے سے گلے کا درد اور ٹانسلز ٹھیک ہو جاتے ہیں۔
٭ یرقان ہو جائے تو رس دار پھل، پھلوں کا رس، گنے کا رس اور گلوکوز لیتے رہنا فائدہ مند ہے، ساتھ ہی ابلی ہوئی سبزیاں لوکی، ٹینڈے، مولی گاجر بھی۔
٭ پتھری بن جائے تو موسم گرما میں پیدا ہونیوالی سبزیاں اور پھل کھاتے رہنے سے پتھری نکل جاتی ہے، خربوزے کا استعمال کریں، پالک اور ٹماٹر ساتھ نہ پکائیں۔
٭ بلڈ پریشر کم ہو جائے تو نمک لینے سے نارمل ہو جاتا ہے، کافی اور ابلا انڈا بھی مفید ہے۔
٭کبھی کبھی کیک بیک کرتے وقت ایک دم پھول کر درمیان سے بیٹھ جاتا ہے۔ اس کیک کو درمیان سے کاٹیں اور اس گڑھے میں پھلوں کے چھوٹے چھوٹے ٹکڑے ڈالیں۔ کیک پر جوس ڈالیں اور پھلوں کے اوپر آئس کریم لگا کر پیش کریں۔ خراب شدہ کیک سے ایک نئی ڈش بن جائے گی۔
٭ نیل پالش ریموور گھر پر بنانے کے لئے ایک بوتل اصل ایسی ٹون لیں اور اس میں چار پانچ قطرے کیسٹرآئل ملائیں۔ تھوڑے سے خرچ میں بہت سا نیل پالش ریموور تیار ہو جائے گا ۔
نداۓ وقت ڈاٹ کام
متعلقہ تحریریں:
بھنے ہوۓ پیاز(roasted onion)
قديم شامي کباب
