اگر منکرات ایسی چیزوں میں سے ہے کہ شارع اقدس نے اس کا بہت اہتمام کیا ہے اور کسی وجہ سے اس کے واقع ہونے پر راضی نہیں تو اس کا دفع ہر ممکن طریقہ سے جائز ہے۔ مثلاً اگر ایک شخص ایک ایسے آدمی کو قتل کرنا چاہتا ہے کہ جس کا قتل کرناجائز نہیں تو اس کو اس سے روکنا چاہیے اور اگر مظلوم کے قتل سے روکنا ممکن نہ ہو مگر یہ کہ ظالم کو قتل کردیا جائے تو اس کا قتل جائز بلکہ واجب ہے اور یہ ضروری نہیں کہ مجتہد سے اجازت لی جائے۔ البتہ یہ رعایت کرنی چاہیے کہ اگر اسے کسی اور طریقہ سے روکا جا سکتا ہے جو کہ اس قتل پر منتہج نہ ہوتا ہو۔ تو اس پر عمل کرے اور اگر اس نے حد لازم سے تجاوز کیا تو گناہگار ہوگا اور تجاوز کرنے والے کے احکام اس پر جاری ہوں گے۔