وہ پیسے جو حجام داڑھی مونڈنے کے لیتا ہے وہ حلال ہیں یا حرام؟ اور اگر اس کے حلال پیسوں سے مخلوط ہوجائیں اور وہ اپنے مال کا خمس نکالنا چاہتا ہے تو کیا وہ دوبار خمس نکالے یا نہ ؟

کوئی سال کے آخر میں اپنے زیادہ مال کا حساب کرتا ہے مثلاً نقد اور جنس سے کل ایک ہزار روپے منفعت ہوئی اور پانچ سو کا مقروض ہے اور اس نے صرف پانچ سو روپے کا خمس دیاہے ۔ کیاآپ کی نظر مبارک میں وہ درست ہے اور جو زیادہ آیا ہے اس کو قرض کے بدلے دینا سال کے اخراجات میں سے شمار ہوگا یا صرف وہی قرض جو سال پورا ہونے سے پہلے ادا کیا ہے وہی سالانہ اخراجات میں شمار ہوگا؟

اگر کوئی نذر کرتا ہے کہ فلاں معین دنبہ کو فلاں وقت میں راہ خیر میں خرچ کرے گا اور اس وقت معین کے پہنچنے سے پہلے آخر سال خمس آجاتا ہے کیا ایسی صورت میں اس دنبے کا خمس بھی دے یا نہ ؟

وہ لوگ جو حکومتی اداروں میں ملازم ہوتے ہیں جب ان کو تنخواہ دی جاتی ہے تو وہ ادارہ ان کی تنخواہ سے کٹوتی کرتا ہے اور جب ریٹائر ہوجاتے ہیں تو ان مذکورہ کٹوتی کے پیسوں میں سے کچھ مقدار ہر ماہ دیتے ہیں کیا اس کٹوتی پر خمس واجب ہے ، جواب ان کو پینشن کی صورت میں دی جاتی ہے یا نہیں ؟ اور اگر فرضا ً واجب ہے تو پھر کیا خمس دینا فوری ہے یا وہ سال کے منافع کا جز ہے جو اسے دیا جارہا ہے اور آخر سال میں باقی منفعت کے ساتھ ہی حساب ہوگا؟

اگرکوئی شخص پانچ ہزار روپے سر قفلی (بطور پگڑی) کے صاحب جائیداد کر دے تاکہ مالک اپنی ملک کو اسے اجرت پردے اور اگر وہ مستاجر پگڑی کی رقم سال کے دوران اپنے کاروباری سالانہ اخراجات میں سے دے تو کیا اس کا خمس دینا ہے یا وہ کاروبار کے اخراجات کی طرح ہے (جیسا دکان کا کرایہ) اور اس پر خمس نہیں ہے؟

مالک جو پگڑی کی رقم وصول کرتا ہے وہ اس کے لئے بطور ھبہ شمار ہوگی ؟ اور کیا اس پر خمس نہیں ہے ؟ یا کاروباری منافع میں ہے اور خمس لازمی ہے؟

وہ سواری جو کاروباری منافع سے اس لئے خریدی جائے تاکہ اس پر سوار ہو کر تجارت خانہ ، کھیتی ، دکان یا رہنے کے کاروباری مکان تک جائے لیکن اس کو جنس تجارت وغیرہ لانے لے جانے کے لئے استعمال نہ کیا جائے تو کیا اس پر خمس واجب ہے یا نہیں ؟

کسی شخص کا کارخانہ بس یا کوئی اور کاروباری چیز ہے جس کو اس نے قیمت سے خریدا ہے اور اس کا سرمایہ بھی ہے اور کام میں لانے کی وجہ سے پرانا ہوچکا ہے جس وجہ سے اس کی قیمت کم ہوگئی ہے لیکن پھر بھی انہی اوزار اور وسائل سے کاروبار کرتا ہے اور اسی سے اپنی زندگی کے اخراجات نکالتا ہے۔

اگرکسی نے زمین ادھار خریدی لیکن معاملے کے وقت اس بات کا خیال نہ رکھا کہ بعد میں قیمت کن پیسوں میں سے دے اور معاملہ تمام ہونے کے بعد اپنے کاروباری منافع سے قیمت اد اکی جن پر ابھی سال پورا نہیں ہوا ہے اب چند سالوں کے بعد اس زمین کی قیمت بڑھ گئی ہے تو کیا موجودہ قیمت کا خمس دینا چاہیے یا قیمت خرید کا خمس کافی ہے؟

ایک شخص خود اور اسکے بالغ اور نابالغ بچے اور بچیاں کام کرتے ہیں اور مزدوری کی رقم سب کے سب اسی کو دیتے ہیں تاکہ زندگی کے اخراجات پر خرچ کرے اور بقیہ رقم کو باغ ، گھر اور دیگر سرمایہ کی جمع آوری پر خرچ کرے ۔ اب چند برسوں کے بعد ان کے اخراجات زندگی سے بچی ہوئی زیادہ رقم پر خمس واجب ہے؟ جبکہ بالغ اولاد نے اپنی مزدوری کی رقم بطور ہبہ یا قرض یا امانت اپنے والد کے پاس نہیں رکھی تھی یعنی مصرف کا کوئی خاص نام معین نہیں کیا تھا؟