جب تک خریدار اور بیچنے والا مجلس معاملہ سے جدانہ ہوں وہ معاملہ کو توڑ سکتے ہیں اور اسی طرح اگر خریدار کوئی جانور خریدے تو تین دن تک وہ معاملہ توڑ سکتاہے اور اسی طرح جس جنس کو نقداً خریدا ہے اگر اس کے پیسے تین دن تک نہ دے اور نہ جنس لے تو بیچنے والا معاملہ کو توڑ سکتا ہے لیکن جو شخص کسی مال پر صلح کررہا ہے وہ ان تین صورتوں (خیار حیوان، خیار مجلس، خیار تاخیر) میں صلح توڑنے کا حق نہیں رکھتا۔ البتہ آٹھ صورتوں میں کہ جو خرید و فروخت کے احکام میں بیان کی جاچکی ہیں صلح کو توڑ سکتا ہے۔

جو چیز صلح میں لی ہے۔ اگر عیب دار ہو تو وہ صلح کو توڑ سکتا ہے البتہ صحیح اور عیب دار کی قیمت کا تفاوت نہیں لے سکتا۔

اگر کسی سے اپنے مال میں صلح کرے اور اس سے شرط کرے کہ اگر میرے مرنے کے بعد میرا کوئی وارث نہ ہوا تو جس چیز میں میں نے صلح کی ہے اسے وقف کردینا اور وہ بھی اس شرط کو قبول کرلے تو اسے شرط پر عمل کرنا چاہیے۔